„Крими-романса што ќе ви го забрза срцето и ќе ви ја украде насмевката. Приказна што ќе ја сакате засекогаш!“
Миа е успешна адвокатка по професија која професионалниот живот ја враќа во Бостон, каде се чини дека го достигнува врвот на кариерата со нејзиното назначување за корпоративен директор. Но, едно случување од минатото и еден единствен момент не ѝ дозволуваат да заборави и комплетно да ѝ се препушти на љубовта.
Виктор е професионален синоок војник, кој по 20 години служење во армијата формира своја компанија, каде што активностите се тесно поврзани со неговиот претходен начин на живот. Тој е самотник по природа, па неговите сфаќања за љубовта ни малку не се романтични, ниту пак верува во неа.
Пред две години во срцето на Мексико, една случајна средба и само еден поглед се доволни за да остават белег во срцата на Миа и на Виктор.
Сега, судбината повторно им ги вкрстува патиштата, но овојпат за да ги соочи со нивните чувства. Додека опасноста демне околу Миа, тие патуваат низ духовите на своето минато. Повторната средба се повеќе ја засилува нивната љубов, па е невозможно да ѝ одолеат на потребата да бидат заедно.
Дали само еден момент може да промени сè – да ги разниша длабоко вкоренатите верувања и да ги натера да ризикуваат? Додека се соочуваат со сопствените стравови, сфаќаат дека кога желбата е непоколеблива, а љубовта - неизбежна, целосно ѝ се предаваш на неа.
Во оваа борба помеѓу стравот и љубовта, ќе откријат една вистина: љубовта не те менува – таа те прифаќа таков каков што си.