ПРВАТА ИЛУСТРИРАНА ВЕРЗИЈА НА РОМАНОТ „АВАНТУРИТЕ НА АРСЕН ЛУПЕН“ НА МАКЕДОНСКИ ЈАЗИК.
Сте слушнале ли за Арсен Лупен? Итар крадец, организатор на маестрални кражби, но, пред сè, џентлмен! Илустриран, остроумен роман наменет за љубителите на крими-романи од сите возрасти. Ликот на Арсен Лупен оживува на страниците преку фантастичните илустрации на Винсент Мале. Овој шармантен, елегантен и генијален крадец лесно ги освојува симпатиите на читателите. Морис Леблан го создал овој итар крадец на почетокот на 20 век и набрзо е прогласен за Шерлок Холмс во светот на криминалот. Наклонет кон сиромашните, кои често и уживаат во неговата спонтана дарежливост. Но богатите и детективот што се обидува да му влезе во трагата се често негова цел и мора да бидат постојано внимателни.