Морето е сино, како и небото. Капетанот Торнадо ја потпевнува песната „Ој, море длабоко...“. Ностромот Стипе Сипа загрижено се мурти и скришум го набљудува капетанот – знае дека нешто не е во ред. На предната палуба на бродот „Иглица“ патуваат педесет момчиња, а капетанот Торнадо е загрижен поради нив. Стариот морски волк не им верува многу на луѓе од копното. Ниту на возрасните, ниту на децата. И со право. Тие педесет мали главички му го претвораат животот во кошмар. И да не беа нивните педесет сестри, кој знае дали капетанот Торнадо воопшто ќе се „разбудеше“ од тој кошмар...