„Остров“ му ја претставува на читателот документарната верзија на настаните што се вткаени во основата на познатиот филм „Остров“ (2006) на Павел Лунгин.
Книгата на познатиот православен писател и публицист Дмитриј Орехов зборува за историската заднина на филмот: животот на православниот монах што служи како прототип за главниот јунак, отецот Антониј, и руската монашка традиција, која доживува преродба во XIX век и која преживеала и во годините кога црквата била жестоко прогонувана.
Во оваа книга, во која се создава историската подлога на тие настани што се инспирација за сценариото на филмот, се раскажува за животот на монахот старец, како и за историјата на руското старештво во целина.
Филмот на Лунгин достигна исклучителна гледаност и доби многу награди на престижни филмски фестивали, но сè до денес не престануваат дискусиите околу него. За некои филмот е откровение, за некои фарса и пародија, трети пак сметаат дека тој ја покажува длабочината на православната душа…