Ако дваесеттите треба да бидат најдобрите години во животот, тогаш Бенет Тејлор катастрофално не успева… со голем акцент на „катастрофално“. Каде е таа животна искра за која сите зборуваат? Таа е привремена работничка во Њујорк, без насока, без иднина и без социјален живот. А, во болното срце на оваа безволност лежи тагата поради смртта на нејзината прва љубов.
Кога Бенет налетува на Хенри Адамс, само неколку часа откако го извисила и не се појавила на првиот состанок, таа признава поттикната од алкохолот: не е подготвена за љубов. Всушност, поминале години откако почувствувала страст за нешто. Ни керамика, ни спортови - ни ништо. Наместо да ја остави да тоне во размислувањето, Хенри гледа можност за авантура: Бенет треба да пронајде страст за животот, а тој ќе ѝ помогне да ја најде. Секоја сабота ќе пробуваат нешто ново во Њујорк. Како пријатели, се разбира.
Додека нивниот „проект за страст“ продолжува, двајцата ќе се соочат со сè - од дрводелство, до тетовирање и спуштање од облакодери, па Бенет ќе почувствува како нејзината заштитна обвивка полека се топи. Но, кога ќе излезат на виделина тајните, Бенет мора да одлучи што навистина сака и дали е подготвена да продолжи понатаму.
Со блескава духовитост, емотивна длабочина и смели авантури, „Проект: страст“ е разиграно и трогателно патување за повторно пронаоѓање на радоста, за среќата што ја бараме и за љубовта која доаѓа кога најмалку ја очекуваме.