Да се направи фотографска изложба, во која темата се убиствата во еден од најживописните квартови на Истанбул – Бејоглу. Таа чудна идеја завладеа со Кенан, богат и амбициозен педесетгодишен авантурист по душа, трагач по силни емоции и слава. Во возбудливиот проект се вклучуваат и неговите најблиски пријатели од ученичките години Селим и Нихат. Прекрасната Русинка Катја исто така е привлечена и станува дел од тоа машко друштво. Две убиства, на младич и девојка, го привлекуваат вниманието на Кенан и во него ја отвораат желбата да ги истражи. Сликите ги водат до мистичната врска на двајцата млади со Никола Фламел, средновековен алхемичар… И до неговата возрасна истражувачка од Париз ‒ Катрин Варшан. Среде историските знаменитости на Истанбул и Париз, во напнатото секојдневие на големиот град се случува комплексно и драматично истражување. Трагичното финале на овој криминален роман е меѓу најнеочекуваните пресврти во психолошки крими трилери на авторот Ахмет Умит.